ನುಲಿಯುವ ಹುಡಿಗಿಯೇ ನನ್ನ ಕನಕಾಂಗಿ,
ಮನದಲ್ಲಿ ಮಿನುಗುವ ಆಸೆಯ ಪಂಚರಂಗಿ,
ಪ್ರತಿಕ್ಷಣ ನೆನಪಲ್ಲೇ ಕಳೆದೆ ನಾ ಏಕಾಂಗಿ,
ಎಂದಾಗುವೆಯೋ ನೀ ನನ್ನ ಅರ್ಧಾಂಗಿ !!
ಮನದ ಮೂಲೆಯಲ್ಲಿ ಎಂಥದೋ ತಳಮಳ,
ಕಡಲ ಅಲೆಯನು ಮೀರಿ ನಿಲ್ಲುಸುವ ಸಪ್ಪಳ,
ಸರಳ ಸಜ್ಜನ ಸ್ವಭಾವದಲಿ ಮೂಡಿದ ಕಳವಳ,
ಎಂದು ಸಿಗುವುದೋ ಈ ನನ್ನ ಪ್ರೀತಿಯ ಹವಳ !!
ತಡವರಿಸಿದೆ ತನುವು ನಿನ್ನ ಪ್ರೀತಿಯ ಕೇಳಲು,
ಕನವರಿಸಿದೆ ಮನವು ನನ್ನ ಬಯಕೆಯ ಹೇಳಲು,
ಪ್ರತಿಬಾರಿಯೂ ಬಿಡದೆ ಪ್ರಯತ್ನವ ನಾ ಪಡಲು,
ಒಲಿಯುವಳು ಈ ನಾರಿ, ಕಂಕಣ ಕೂಡಿಬರಲು!!
No comments:
Post a Comment