ಪ್ರೀತಿ-ವಿಶ್ವಾಸ

ನಾನು ಆವಾಗ ತುಂಬಾ ಚಿಕ್ಕವನಿದ್ದೆ,
ಮನೆಯಲ್ಲೆಲ್ಲಾ ಮನಸೋ ಇಚ್ಛೆ ಕುಣಿಯುತಿದ್ದೆ,
ಚೇಷ್ಟೆ ಜಾಸ್ತಿಯಾಗಿ ಬಿಸಿಯಾದ ಪೆಟ್ಟು ತಿನ್ನುತಿದ್ದೆ,
ದೊಣ್ಣೆ ತರಲು ಹೆದರಿ ಹಸಿಯಾದ ಸುಳ್ಳು ಹೇಳುತಿದ್ದೆ,
ಎಷ್ಟೇ ಹೊಡೆದರು ನಮ್ಮವರೆಂದು ಸುಮ್ಮನಾಗುತಿದ್ದೆ,
ಮರು ಕ್ಷಣದಲ್ಲಿ ಎಲ್ಲವನ್ನೂ ಮರೆತು ಬದಲಾಗುತಿದ್ದೆ !!

ಆದರೆ ಇಂದು ನಾನು ದೊಡ್ದವನಾಗಿರುವೆ,
ಮನೆಯಲ್ಲೆಲ್ಲಾ ಸಮಯ ಕಳೆಯಲು ಕಷ್ಟಪಡುತ್ತಿರುವೆ,
ಕಾಸು ಜಾಸ್ತಿ ಮಾಡಲು ಹೊಸ ದಾರಿ ಹುಡುಕುತ್ತಿರುವೆ,
ಮನಸ್ಸು ಬಂದಂತೆ ಜನರೊಂದಿಗೆ ವ್ಯವಹರಿಸುತ್ತಿರುವೆ,
ಯಾರ ಹಂಗೂ ಇಲ್ಲದೆ ಕಷ್ಟ ಪಟ್ಟು ಜೀವನ ಸಾಗಿಸುತ್ತಿರುವೆ,
ಎಷ್ಟೇ ದುಡಿದರು ಆ ಶಾಂತಿ ನೆಮ್ಮದಿಯಿಂದ ವಂಚಿತನಾಗಿರುವೆ !!

ಮುಂದೊಂದು ದಿನ ನಾವೆಲ್ಲರೂ ಮುದುಕರಾಗುವೆವು,
ಮನೆಯಲ್ಲಿ ಮಕ್ಕಳು ಮರಿಗಳಿರಲೆಂದು ಬಯಸುವೆವು,
ಸಮಯವನ್ನು ಆನಂದದಿಂದ ಸವಿಯಲು ತವತವಿಕಿಸುವೆವು,
ಹಿಂದೆ ಇದ್ದಂತೆ ಇರಲಾಗದೆ "ಒಬ್ಬಂಟಿಯಾಗಿ" ಮರುಗುವೆವು,
ನನ್ನಂತೆ ನನ್ನ ಕೂಸು ದೂರಹೊಗಲು ಮನಸ್ಸಿನಲ್ಲೇ ಕೊರಗುವೆವು,
ಬೇಕಾಗಿರುವುದು ಪ್ರೀತಿ-ವಿಶ್ವಾಸವೆಂದು ಕೊನೆಗಾಲದಲಿ ತಿಳಿಯುವೆವು !!