ನಗು

ಸುಂದರಿಯ ಸೌಂದರ್ಯವ ನೀನು ವ್ರದ್ದಿಸುವೆ,
ಆಪ್ತರಲ್ಲಿ ಆತ್ಮೀಯತೆಯ ನೀರೆಳೆದು ಬೆಳೆಸುವೆ,
ಮಡದಿಯಲ್ಲಿ ಪ್ರೀತಿಯ ನೀನು ಪ್ರಚೋದಿಸುವೆ,
ಶತ್ರುಗಳ ಹೃದಯದಲ್ಲೂ ನೀ ಮನೆ ಮಾಡಿರುವೆ !!

ಪ್ರತಿ ಆಗಮನದಲ್ಲೂ ಅಡಗಿದೆ ವಿವಿದ ವಿಶೇಷತೆ,
ಅಪರಿಚತರನ್ನು ಪರಿಚಯಿಸುವ ಶಕ್ತಿ ನಿನ್ನಲ್ಲಿದೆ,
ನೀ ಬಂದಾಗ ಅದೇನೋ ತಿಳಿಯಲಾಗದ ಆಕರ್ಷಣೆ,
ಅನಂತ ಆನಂದದಲ್ಲಿ ತೇಲಾಡಿದ ಬದಲಾವಣೆ !!

ಹಲವು ರೋಗಗಳಿಗೆ ಸಂಜೀವಿನಿ ನೀನಲ್ಲವೇ,
ಬಡವರ ಮನೆಯಲ್ಲೂ ಸಿಗುವ ಮನ್ವಂತರವೆ,
ಭಾಷೆ ಬಲ್ಲದವರ ಮಾತಿನ ಸೇತುವೆ ಆಗಿರುವೆ,
ಮನಸ್ಸು ತುಂಬಿದಾಗ ಕರೆಯದೆ ನೀ ಓಡಿಬರುವೆ!!

ನಗುವೇ ಅದಾವ ಗೂಡಿಂದ ನೀ ಬಂದಿರುವೆ?
ಅಂದದ ಚೆಲುವೆಯ ಮೊಗದಿ ಮಿನುಗುತಿರುವೆ,
ಮುದ್ದಿನ ಕಂದಮ್ಮನ ಮಾತಾಗಿ ಹೊಮ್ಮಿರುವೆ,
ನಿನ್ನ ಅರ್ಥೈಸಲಾಗದೆ ನಾನು ಸೋತಿರುವೆ !!