ಶ್ರಾವಣದ ವರ್ಷಧಾರೆ

ಬಿರುಸಾಗಿ ಸುರಿಯುತ್ತಿತ್ತು ಶ್ರಾವಣದ ವರ್ಷಧಾರೆ,
ಜುಳಜುಳನೆ ಹರಿಯುತಿತ್ತು ನದಿಯ ಅಮೃತಧಾರೆ,
ಹಸನಾಗಿ ಹೊಳೆಯುತಿತ್ತು ಭುವಿಯ ಸಸ್ಯರಾಶಿ,
ಹೊನ್ನಿನಂತೆ ಮಿಂಚುತಿತ್ತು ಕಲ್ಲು ಮಣ್ಣಿನ ರಾಶಿ !!

ಕಪ್ಪೆ,ಮೀನುಗಳಿಗೆ ಹೊಸವರುಷದ ಕುಶಿ ಬಂದಿತ್ತು ,
ರೆಪ್ಪೆ ಮುಚ್ಚಿ ತೆಗೆಯೋದರಲ್ಲೇ ಅದು ಜಿಗಿಯುತಿತ್ತು,
ಆಗತಾನೆ ಅಲ್ಲಿ ಹನಿ ಹನಿ ಮಳೆ ಬಂದು ನಿಂತಿತ್ತು,
ಸುತ್ತ ಮುತ್ತ ಅರಳಿದ ಹೂವು ಬಾಡಿ ಮುದುಡಿತ್ತು !!

ಹೊಂಬಿಸಿಲು ಮೂಡುತಿತ್ತು ರವಿಯ ಕಣ್ಣಿನಿಂದ,
ಕಾಮನಬಿಲ್ಲು ಕಟ್ಟಿತ್ತು ಮೋಡ ಚಲಿಸಿದರಿಂದ,
ಎಲ್ಲೆಲ್ಲು ಸೊಭಗಿದೆ ವರುಣ ಆಗಮಿಸಿದರಿಂದ,
ಮನೆಯಲ್ಲೂ ಭಯವಿದೆ ಮಿಂಚು ಗುಡುಗುಗಳಿಂದ !!