ಜನುಮ ದಿನದ ಹಾರ್ದಿಕ ಶುಭಾಶಯ

ಇನಿಯನ ನೆನಪಲಿ
ಕಳೆದ ಪ್ರತಿ ನಿಮಿಷಕ್ಕೂ
ಪ್ರೀತಿಯೊಂದೆ ಬೆಸುಗೆ !!

ನೆನಪಿನ ತೋಟದಲಿ
ಬೆಳೆದ ಹಸಿ ಆಸೆಗಳಿಗೆ
ಕಾಯುವಿಕೆಯೊಂದೆ ಉಸಿರು !!

ನಿನ್ನ ಉಸಿರಾಗಿ ಅಡಗಿದ
ಸವಿ ನೆನಪಿನ ಅರಸ ಬಂದು
ಹೊಸ ಹರುಷವ ತರುವಂತಾಗಲಿ !!

ಜನುಮ ದಿನದ ಹಾರ್ದಿಕ ಶುಭಾಶಯ

ಏನೆಂದು ಕರೆಯಲಿ

ಮನಸೆಂಬ ಸಾಗರದಲಿ
ಶುಭ್ರ ತೆರೆಯಂತೆ ಅಪ್ಪಳಿಸುವ
ನಿನ್ನ ನೆನಪುಗಳಿಗೇನೆಂದು ಕರೆಯಲಿ ?

ದೇಹವೆಂಬ ಯಂತ್ರದಲಿ
ಕ್ಷಣ ಕ್ಷಣಕೂ ಸದ್ದುಮಾಡುವ
ನಿನ್ನ ಸ್ಪರ್ಶಗಳಿಗೇನೆಂದು ಕರೆಯಲಿ ? 

ಕನಸೆಂಬ ಗೋಪುರದಲ್ಲಿ
ಆಸೆಯೆಂಬ ಹೊನ್ನ ಕಲಶದಂತೆ
ನಿನ್ನ ಬಯಕೆಗಳಿಗೇನೆಂದು ಕರೆಯಲಿ ?

ಜೀವನವೆಂಬ ಬಂಡಿಯಲ್ಲಿ
ಪಯಣಿಗನಂತೆ ಜೊತೆಗಿರುವ
ನಿನ್ನ ಸಂಬಂದಗಳಿಗೇನೆಂದು ಕರೆಯಲಿ ?