ತ್ಯಾಗಿ

ನಿನ್ನ ಹಾಡ ದಾಟಿಯಲ್ಲಿ
ನಾನು ರಾಗವಾದೆನು
ನಿನ್ನ ಬಾಳ ಬಂಡಿಯಲ್ಲಿ
ನಾನು ಗಾಲಿಯಾದೆನು !!

ನಿನ್ನ ಮಧುರ ಸ್ವರಗಳಲಿ  
ನಾನು ತಂತಿಯಾದೆನು
ನಿನ್ನ ಕಂಠ ಮಾಧುರ್ಯಕೆ
ನಾನು ಬಂದಿಯಾದೆನು

ನಿನ್ನ ಉಸಿರು ನನ್ನದೆಂದು
ನನ್ನ ಮನಸು ಮಿಡಿದಿದೆ 
ನಿನ್ನ ಹೆಸರು ಕೇಳಲೆಂದು
ನನ್ನ ಕಿವಿಯು ತೆರೆದಿದೆ !!

ನೀನೆ ಇರದ ಬದುಕಿಗಿನ್ನು
ಅರ್ಥವೆಲ್ಲಿ ಹುಡುಕಲಿ
ನಿನ್ನ ಮರೆತು ಬಾಳಲಾರದೆ
ಸರ್ವವನ್ನು ತ್ಯಜಿಸುವೆ !!

ಯಾರರಿಯರು ಸ್ವಾಮೀ

ಕಾವೇರಿ ನಾಮಧೇಯ
ಬೆಂಗಳೂರಿಗರ ಜೀವಜಲ
ಕಾರ್ಪೋರೇಶನ್ ಕೊಳ
ಯಾರರಿಯರು ಸ್ವಾಮೀ ಇದರ ಮೂಲ ?

ಉದ್ಯಾನ ನಗರಿಯ ಗರಿ
ಕಸದ ತೊಟ್ಟಿ ವಿಲೇವಾರಿ ಪರಿ
ಸರ್ವನಾಶವಾಗುತಿದೆ ಸ್ವಾಸ್ತ್ಯದ ಸಿರಿ
ಇನ್ನೆಲ್ಲಿದೆ ಸ್ವಾಮೀ ಇದಕೆ ಪರಿಹಾರದ ಗುರಿ ?

ತಲೆಯತ್ತುತ್ತಿದೆ  ಬಹುಮಹಡಿ
ಬೆಲೆಯೇರಿದೆ ಪ್ರತಿ ಮನೆಕೊಠಡಿ
ಐಟಿ ಬಿಟಿ ವಿನಃ ಬದುಕು ಬಲು ದುಸ್ತರ
ಹೇಗಿರುವುದು ಸ್ವಾಮೀ ಸಾಮಾನ್ಯರ ದಿನಚರಿ ?

ಮುಗಿಯದು

ಕಣ್ಣಿನ ಕುಡಿನೋಟ
ಹೆಣ್ಣಿನ ಮೈಮಾಟ
ತಣ್ಣನೆ ಉಸಿರಾಟ !!

ಪ್ರೀತಿಯ ಪವಾಡ
ಮೋಸದ ಕೈವಾಡ
ಆಸೆಯ ಮುಖವಾಡ !!

ನಲ್ಲೆಯ ಸಹವಾಸ
ಸುಮ್ಮನೆ ಉಪವಾಸ
ಮುಗಿಯದು ಮನಸ್ತಾಪ !!

ಚಿಗುರೊಡೆದ ಬಾವನೆ
ಸುಂದರವಾದ ಕಲ್ಪನೆ
ಮರೆಯಲಾರೆನು ನಿನ್ನನೆ !!

ಭ್ರಷ್ಟ

ಗೆದ್ದೇ ಗೆಲ್ಲುವೆಯಂಬ ವಿಶ್ವಾಸ
ಮಣ್ಣಾಗಿ ಹೋಗಿತಲ್ಲಾ !
ಪಕ್ಷ ಕಟ್ಟುವ ಘೋಷಣೆ ಮಾಡಿದ್ದು
ತಪ್ಪಾಗಿ ಹೋಯಿತಲ್ಲಾ !!

ಗೆದ್ದಾಗ ಗದ್ದುಗೆ ಏರಿದ್ದು ಏಕಾಗಿ
ಗಳಿಸಿದ್ದು ತಮಗಾಗಿ !
ಮನೆ ಮಂದಿಯ ಸಿರಿವಂತಿಕೆಗಾಗಿ
ಆಸ್ತಿಪಾಸ್ತಿಗಳ ವೃದ್ದಿಗಾಗಿ !!

ಮಾಡಿದ್ದು ಅನಾಚಾರ ಹೇಳಲಸಾದ್ಯ
ರಾಜಕಾರಣ ಹಳಿಸಿತು !
ಮರೆಯಲಸಾದ್ಯ ರಾಜ್ಯಜನತೆ ಇದನು  
ವಿನಾಕಾರಣದ ಕಚ್ಚಾಟವ !!

ಹೊಸ ಪಡೆಯ ಕಟ್ಟಿದ್ದು ತಪ್ಪಾಯಿತು
ಕಾಂಚಾಣ ಬರಿದಾಯಿತು !
ಭ್ರಷ್ಟರ ಗುಂಪಿನ ನಾಯಕನಿಗೆನಾಯಿತು
ಸನ್ಯಾಸ ಬಂದು ಸಮೀಪಿಸಿತು !!

ಮಾಯಾ ಜಿಂಕೆಯೇ

ನನ್ನ ಮನದ ಬಯಕೆ
ತೇಲಿ ಬಂದು ಅದಾಗಿದೆ ಅಮೃತ ಬಿಂದು

ನನ್ನ ನಿರ್ಮಲ ಹೃದಯದಿ
ಆಸೆಯೊಂದು ಚಿಗುರಿ ಹಾಡಿ ನಲಿಯುತಲಿದೆ

ನನ್ನ ಪ್ರತಿ ಕ್ಷಣದ ಬಿನ್ನಹ
ತಂಗಾಳಿಯ ಹಿತವದು ಮೌನ ಮಾತಾಗಿಸಿದೆ

ನನ್ನ ತನು ಮನದ ಕೋರಿಕೆ
ನಿನ್ನದೊಂದು ಹೂ ನಗುವನ್ನು ಬಯಸುತಲಿದೆ

ಪ್ರೀತಿಗೆ ನೀ ಬರುವೆ,
ಕೋರಿಕೆಗೆ ನೀ ನಗುವೆ,
ಆಸೆಯ ನೀ ತರುವೆ,
ಸದಾ ನನ್ನ ಕಾಡಿಸುವೆ !! ಮಾಯಾ ಜಿಂಕೆಯೇ !!