ನೊಂದ ಜೀವಕ್ಕೆ ನಗುವಿನ ಸಿಂಚನ

ನೀ ಬರುವ ಮೊದಲೇ ತಿಳಿದಿತ್ತು
ಈ ಸಂಜೆ ಎಷ್ಟು ಕರಾಳವೆಂದು
ನಿನ್ನ ಬಳಿ ಬಂದು ನಿಂತಾಗಲಂತೂ
ನನ್ನಲ್ಲಿ ನೂರಾರು ಆಲೋಚನೆಗಳ ಅಲೆ !!

ನಿನ್ನ ಉಸಿರಾಟದ ಗತಿಯನ್ನೊಮ್ಮೆ
ಅವಲೋಕಿಸಿ ನನ್ನಲ್ಲೇ ಅರ್ಥೈಸಿದೆ
ನಿನ್ನಲ್ಲೋ ಸುಳಿದಾಡುತಿದೆ ಪ್ರಶ್ನೆಗಳು
ಉತ್ತರ ಸಿಗಲಾರದಷ್ಟು ಸಂಕಷ್ಟಗಳ ಜೊತೆ !!

ನನಗೇನೂ ಗೊತ್ತಿಲ್ಲ ನಿನಾರೆಂದು
ಬಳಿ ಹೋಗುವ ಧೈರ್ಯವಂತೂ ಇಲ್ಲ
ಒಮ್ಮೆ ಸಂತೈಸಲೂ ಅಪರಿಚಿತರು ನಾವು
ಕೊನೆಗೊಂದು ನಗುವೇ ಬೆಸೆಯಿತು ನಮ್ಮನ್ನಂದು !!