ಚಿಕ್ಕಿ

ಮಾಸದ ನೆನಪು ಚಿಕ್ಕಪ್ಪನ ಮನೆಯಲ್ಲಿನ ದಿನವು,

ಮೋಸವೇ ಇಲ್ಲದ ಪ್ರೀತಿಯ ಚಿಕ್ಕಮ್ಮನ ಮನವು,

ತಮ್ಮಂದಿರ ಜೊತೆಗೆ ನನ್ನ ವಿದ್ಯಾಭ್ಯಾಸದ ಹಸಿವು,

ನಂದಗೋಕುಲದಲ್ಲಿ ಕಳೆದ ಆ ನಾಲ್ಕು ವರುಷವು !!

ನೆನಪಿನ ಪುಟಗಳ ಮಧ್ಯದಿ ಸಾಲಾಗಿ ಸೇರಿದೆ,

ಕನಸಿನ ಕಲ್ಪನೆಗೆ ಒಂದಷ್ಟು ಸೆಲೆಯಾಗಿ ಸಿಗದೆ,

ಮನಸಿನ ಬಾವನೆಯ ನೆಲೆಯಾಗಿ ಸಂಬಂದಿಸಿದೆ,

ಬದುಕಿನ ಸರಪಳಿಯ ಸಿಹಿಜೇನ ಹನಿಗಳಾಗಿದೆ !!

ಹಾಲಿನಂತಹ ಮನಸ್ಸು ಹೇಳಲೇನಿದೆ ಹೊಸತು,

ಕಣ್ಣ ಮೇಲಿನ ಕಾಂತಿ ವೈಮನಸ್ಸಿಗೆ ವಿಶ್ರಾಂತಿ,

ಸಣ್ಣ ತನವು ನಾಸ್ತಿ, ಪ್ರೀತಿ ವಿಶ್ವಾಸವೇ ಜಾಸ್ತಿ,

ನನ್ನ ಚಿಕ್ಕಿಯ ಆಸ್ತಿ ಮುಗುಳ್ನಗುವಿನೊಂದಿಗೆ ಕುಸ್ತಿ !!

ಮರೆಯಲಾಗದು ಚಿಕ್ಕಿ ನೀ ಕೊಟ್ಟ ಅಕ್ಕರೆ,

ಮೀರಿಸಲಾಗದು ಯಾರೂ,ನಿನ್ನ ನುಡಿ ಸಕ್ಕರೆ,

ಸಹಿಸಲಾರೆವು ಎಂದಿಗೂ ಇನ್ನು ನೀನು ಅತ್ತರೆ,

ನೋಡುವೆವು ಸ್ವರ್ಗವ ಸದಾ ನೀನು ನಗುತಿರೆ !!