ತಾನು ಹೆತ್ತ ಮಗುವಲ್ಲದಿದ್ದರು
ಎದೆ ಹಾಲು ಉಣಿಸುವ ಭಾಗ್ಯ
ನಿನ್ನದಾಯಿತಲ್ಲೇ ಯಶೋದೆ...
ಎನಿತು ಭಾಗ್ಯ ತಾಯೆ ನಿನದು ?
ಮೂರು ಲೋಕದ ಒಡೆಯನಿಗೆ
ನಿನ್ನ ಕೈಯಾರೆ ತುತ್ತು ತೆತ್ತಿರುವೆ
ಗೊಲ್ಲ ಕೇರಿಯ ಬೆಣ್ಣೆಯಿತ್ತಿರುವೆ
ಎನಿತು ಭಾಗ್ಯ ತಾಯೆ ನಿನದು ?
ತೊಟ್ಟಿಲ ಕಂದನ ಲೀಲೆಯ ಕಂಡೆ
ಬಾಯೊಳು ಸಮಸ್ತ ಲೋಕವ ಕಂಡೆ
ದೇವರ ದೇವನ ಮಮತೆಯ ತಾಯಿ
ಎನಿತು ಭಾಗ್ಯ ತಾಯೆ ನಿನದು ?
ಪುರುಷ ಸಿಂಹನ ತೊಳಲಿ ಆಡಿಸಿ
ವಿರಾಟ ರೂಪವ ಕಣ್ಣಲಿ ನೊಡಲು
ಹಲವು ಜನ್ಮದ ಪುಣ್ಯವು ಸಾಲದು
ಎನಿತು ಭಾಗ್ಯ ತಾಯೆ ನಿನದು ?
ಯಶೋದೆ...
ಎನಿತು ಭಾಗ್ಯ ತಾಯೆ ನಿನದು?
--Sridhar Aithal Devali
ಪ್ರಾರ್ಥನಾ ಶ್ಲೋಕದಲಿ ಇಬ್ಬರು ತಾಯಂದಿರ ನೆನೆವುವಲ್ಲಾ ಅದೇ ಗೋಪಾಲನ ಗಿರಿಮೆ.
ReplyDelete