ಏನು ತಾಯೆ ನಿನ್ನ ಮಾಯೆ ಕಣ್ಣ ತೆರೆವ ಕ್ಷಣದಲಿ ತಾಯೆ ನಿನ್ನ ಮಡಿಲಲಿ
ಮನದ ಬಯಕೆ ತೀರಲಿ, ವರುಷ ಮತ್ತೆ ಮರಳಲಿ,
ಹರುಷ ತುಂಬಿ ಹಾಡಲಿ,ತಾಯೆ ನಿನ್ನ ಮಡಿಲಲಿ !!
ಕಮರಿದ ಆಸೆ ಮನಸಲಿ, ಕನಸಿನ ಕೂಸು ಕರುಳಲಿ,
ಚಿಗುರಿದ ಹೂವು ಅರಳಲಿ, ತಾಯೆ ನಿನ್ನ ಮಡಿಲಲಿ !!
ದ್ವೇಷ ಭಾವವು ತೊರೆಯಲಿ, ಸ್ನೇಹ ಹಸ್ತವು ಚಾಚಲಿ,
ಶಾಂತಿ ನೆಮ್ಮದಿ ಬೆಳೆಯಲಿ, ತಾಯೆ ನಿನ್ನ ಮಡಿಲಲಿ !!
ಅಹಂ ಕಾರವು ಅಳಿಯಲಿ, ದುಷ್ಟ ಶಕ್ತಿಯು ನಶಿಸಲಿ,
ಮಮತೆಯೊಂದೆ ಬಾನುಲಿ, ತಾಯೆ ನಿನ್ನ ಮಡಿಲಲಿ !!
ಸ್ವಾತಂತ್ರ್ಯವು ಮೊಳಗಲಿ, ವಿಜಯ ಪತಾಕೆ ಹಾರಲಿ,
ಗೆಲುವು ನಮ್ಮ ಬಳಿಯಲಿ, ತಾಯೆ ನಿನ್ನ ಮಡಿಲಲಿ!!
No comments:
Post a Comment