ಚಿನ್ನ

ನಿನ್ನ ಕರೆದೆ ಕನಕಾಂಬರಿ
ನೀ ಮುಡಿದ ಹೂವ ಕಂಡು
ನಿನ್ನ ಕರೆದೆ ಶ್ವೇತಾಂಬರಿ
ನಿನುಟ್ಟ ಸೀರೆಯ ಕಂಡು,

ನಿನ್ನ ಕರೆದೆ ನಯನಮನೋಹರಿ
ನಿನ್ನ ಆ ಕಣ್ಣುಗಳ ಕಂಡು
ನಿನ್ನ ಕರೆದೆ ಚಂದ್ರಚಕೋರಿ
ಚಂದ್ರನು ನಿನ್ನಲಿ ಸೋತಿದ್ದು ಕಂಡು,

ನಿನ್ನ ಕರೆದೆ ಸ್ವಪ್ನ ಸುಂದರಿ
ನೀ ತಂದ ಕನಸ ನೆನೆದು
ನಿನ್ನ ಕರೆದೆ ಮನೋಲ್ಲಾಸಿನಿ
ನೀ ತಂದ ಸಂತೋಷವ ನೆನೆದು,

ನಿನ್ನ ಕರೆದೆ ಭುವನ ಸುಂದರಿ 
ನಿನ್ನಲ್ಲಿಯ ಸೌಂದರ್ಯವ ನೆನೆದು
ಇನ್ನೇನು ನಾ ಕರೆಯಲಿ ನಿನ್ನ 

ಆಗಿರುವೆ ನೀನೆ ನನ್ನ ಬಾಳಿನ ಚಿನ್ನ !!