Tuesday, March 4, 2014

ಕಾದಿರುವೆ ಚಂದಿರ ನಿನ್ನ ಆಗಮನಕೆ


ಕಾದಿರುವೆ ಚಂದಿರ ನಿನ್ನ ಆಗಮನಕೆ
ಸದಾ ಪೂರ್ಣಿಮೆಯು ನಗು ಮೊಗಕೆ
ತಾರೆಗಳು ಹೊಳೆದಾವು ಕ್ಷಣ ಕ್ಷಣಕೆ 
ಕಾದಿರುವೆ ಚಂದಿರ ನಿನ್ನ ಆಗಮನಕೆ !!

ಮೂಡಣದಿ ನೀ ಮಿನುಗುವೆ ನಾ ಬಲ್ಲೆ
ಮೋಡಗಳ ನೀ ಮೀರಿಸುವೆ ನಾ ಬಲ್ಲೆ
ಮಾಟಗಳ ನೀ ಮಾಡಿರುವೆ ನನ್ನಲ್ಲೇ
ನೋಟಗಳ ನೀ ಕದ್ದಿರುವೆಯೆ ನಿನ್ನಲ್ಲೇ !!

ಆಗಸದಿ ನೋಡುವೆ ನಿನ್ನ ಚಲನವ
ಬೋಗಸೆಗೂ ಸಿಗದ ಸೌಂದರ್ಯವ
ವರ್ಣೆನೆಯ ಬಿಟ್ಟು ಹೇಗೆ ತಡೆಯಲಿ
ಭುವಿಗೆ ನೀ ಬರುವ ದಿನಕೆ ಕಾತುರವ !!

ಕಾದಿರುವೆ ಚಂದಿರ ನಿನ್ನ ಆಗಮನಕೆ !!

---ಶ್ರೀಧರ ಐತಾಳ ದೇವಳಿ

No comments:

Post a Comment