ಹೇಳವ್ವಾ

 

 

ಹೇಳೇ ನನ್ನ ಹಡೆದವ್ವಾ
ನಿನ್ನಲೇನಿದೆ ಹೇಳವ್ವಾ
ನೋವಲು ನಲಿವಲು ನಿನ್ನದೇ ನೆನಪು
ಹೇಳೇ ನನ್ನ ಹಡೆದವ್ವಾ, ಹೇಳೇ ನನ್ನ ಹಡೆದವ್ವಾ !!

ನವಮಾಸ ನನ್ನ ಹೊತ್ತಿರುವೆ
ನರಕ ಯಾತನೆಯ ಪಟ್ಟಿರುವೆ
ಹರುಷದಿ ಜೀವವ ಕೊಟ್ಟಿರುವೆ
ಲಾಲಿಸಿ ಪಾಲಿಸಿ ಬೆಳೆಸಿರುವೆ !! ಪ !!

ಅದೆಷ್ಟೋ ರಾತ್ರಿ ನಾ ಅತ್ತಿರುವೆ
ನಿದ್ದೆಯಲ್ಲೂ ನಿನ್ನ ಬಲು ಕಾಡಿರುವೆ
ಅದೆಂತಹ ಕರುಣಾಮಯಿ ನೀನವ್ವ
ಹಾಲುಣಿಸಿ ಮಲಗಿಸಿರುವ ನನ್ನವ್ವ !! ಪ !!

ಯಾತನೆ ಪಡುವ ವಿಷಯವೇ ಬರಲಿ
ನಿನ್ನಲಿ ಚರ್ಚಿಸಿ ಮರೆಯುವೆನು
ನಿನ್ನಯ ಮೊಗದಿ ನಗುವನು ಕಂಡು
ಧೈರ್ಯದಿ ಗೆಲುವನು ಪಡೆಯುವೆನು !! ಪ !!

ಹೇಳೇ ನನ್ನ ಹಡೆದವ್ವಾ ನಿನ್ನಲೇನಿದೆ ಹೇಳವ್ವಾ !!

-- Sridhar Aithal D