ಯೋಚಿಸು ಮನುಜ

ನಾ ಬರೆದ ಕಾದಂಬರಿಯ
ಅಂತಿಮ ಪುಟದ ಕೊನೆಯ ಅಕ್ಷರಕೆ
ಮರೆಯಾಗುವ ಕಥೆಯ ಮೇಲಿನ ಮೋಹ

ನೀ ಮುಡಿದ ಮಲ್ಲಿಗೆಯ
ಬಾಡಿದ ಪುಷ್ಪದ ಪ್ರತಿ ಎಸಳಿಗೂ ...

ನಾಳೆ ಕಸದ ಪಾಲಾಗುವ ನೋವಿನ ಬಾವ

ಪರರ ಮೆಚ್ಚಿಸಲು ಶೃಂಗಾರ
ಸೌಂದರ್ಯ ವೃದ್ದಿಸಲು ಬೆಳ್ಳಿ ಬಂಗಾರ
ಕಾಲ ಬಂದಾಗ ನಡುಗುವುದು ಈ ಮರುಳು ದೇಹ

ಮೂರು ದಿನದ ಬಾಳ್ವೆಗೆ ಬಡಿದಾಟ
ದ್ವೇಷ ಅಸೂಯೆಗಳ ಜೊತೆ ಹೊಡೆದಾಟ
ಯೋಚಿಸು ಮನುಜ ನೀ ಸದಾ ಸವೆಯುತ್ತಿರುವ ಜೀವ
ಇಂದಲ್ಲ ನಾಳೆಗೆ ನಿನಗೂ ಕೊನೆ ಬರೆದಿಹನು ನೋಡು ಆ ದೇವ !!