ಧನ

ಸಂಪಾದಿಸಲು ಬಲು ನಿದಾನ
ವ್ಯಯವಾಗುವುದು ನೀ ಧನ
ಕೊಡದಿದ್ದರೆ ಎಂದೂ ನೀ ದಾನ
ಬಹುಬೇಗ ಆಗುವುದು ನಿಧನ

ಉಗಾದಿ

ಯುಗಾದಿ ಅನ್ನಲೋ ಉಗಾದಿ ಎನ್ನಲೋ
ಹೊಸ ಸಂವತ್ಸರದ ಬುನಾದಿ ಎಂತಲೋ  !!

ಮನೆ ಮಂದಿಗೆಲ್ಲ ಬೇವು ಬೆಲ್ಲ
ಬೇವಿನ ನೋವು ಅಲ್ಲಿ ಕ್ಷಣಕಾಲ
ಬೆಲ್ಲದ ನಲಿವು ಇರಲಿ ಚಿರಕಾಲ
ಹಾರೈಸುವುದು ಈ ಪರ್ವಕಾಲ !!

ಕಳೆದ ನಂದನದ ಶ್ರೇಯಸ್ಸು
ಬರುವ ವಿಜಯದಲ್ಲಿ ಹುಮ್ಮಸ್ಸು
ವೃದ್ಧಿಸಲಿ ನಿಮ್ಮೆಲ್ಲರ ಆಯುಸ್ಸು
ಸರ್ವರಿಗೊ ಉಗಾದಿಯ 'ವಿಶ್'ಸ್ಸು !!!

ಯುಗಾದಿ ಅನ್ನಲೋ ಉಗಾದಿ ಎನ್ನಲೋ
ಹೊಸ ಸಂವತ್ಸರದ ಬುನಾದಿ ಎಂತಲೋ  !!

ಜನುಮದಿನ

 

 

 

ಇನಿಯನ ಜೀವನದ ಪ್ರತಿ ಕ್ಷಣದಲಿ
ಸುಖದಲ್ಲಾಗಲಿ ದುಃಖದಲ್ಲಾಗಲಿ
ನಗುವಲ್ಲಾಗಲಿ ಅಳುವಲ್ಲಾಗಲಿ
ಪಾಲು ಪಡೆಯುವವಳು ನೀನಲ್ಲವೇ !!!

ಪತಿಯ ಬದುಕಿನ ಪ್ರತಿ ಹೆಜ್ಜೆಯಲಿ
ಜೊತೆಯಾಗಿ ಪ್ರಿಯ ಸಖಿಯಾಗಿ
ಹೆಗಲಾಗಿ ಬಾಳಿನ ಗುರಿಯಾಗಿ
ಕಾಲು ಇಟ್ಟವಳು ನೀನೆಯಲ್ಲವೇ !!!

ಕಷ್ಟಗಳು ಹನಿಯಾಗಿ ನಿನ್ನ ಕಣ್ಣಿನಲಿ
ಕಾಣಿಸದಾದವು ನನ್ನ ಮೆಚ್ಚಿಸಲು
ಹೇಳಲಾರದನು ಮರೆಯಾಗಿಸಲು
ಮೆತ್ತಗೆ ನಗುವವಳು ನೀನಲ್ಲವೇ !!!

ಸಂಸಾರದ ಜವಾಬ್ದಾರಿಯ ಹೊತ್ತು
ಸಂಬಂಧದ ಬೆಸುಗೆಯನು ಕೊಟ್ಟು
ಸಂತೋಷವ ಉಣಬಡಿಸುವ ನಿನಗೆ
ಮರಳಿ ಬರುತಲಿರಲಿ ಈ "ಜನುಮದಿನ" !!!