ಅನಂತ

ಅನಂತ "ಭಯ" ವ ಪಟ್ಟಾಗ
"ಅಭಯ" ಸಿಗುವುದು
ಅನಂತ "ಜಯ" ವ ಪಡೆದರೆ
"ಅಜೇಯ" ರಾಗುವರು  !!

ಅನಂತ "ಗೌರವ" ವ ಪಡೆದರೆ
"ಅಗೌರವ" ಹೋಗುವುದು
ಅನಂತ "ಮೌಲ್ಯ" ವ ಕಲಿತರೆ
"ಅಮೂಲ್ಯ" ವಾಗುವುದು  !!
 
ಅನಂತ "ಪಾಪ"ವ  ಮಾಡಿದರೆ
"ಅಪಾಯ" ವಾಗುವುದು
ಅನಂತ "ತಂತ್ರ" ವ ಮಾಡಿದರೆ
"ಅತಂತ್ರ" ವಾಗುವುದು !!

ಅನಂತ "ಧರ್ಮ" ವ ಪಾಲಿಸಿದರೆ
"ಅಧರ್ಮ" ವಾದೀತು
ಅನಂತ  "ಅರ್ಥ" ವ ಸಂಪಾದಿಸಿ
"ಅನರ್ಥ" ವಾದೀತು !!

ಅನಂತ "ನಾಥ" ರಿಗೆ ಹುಟ್ಟಿದರೆ
"ಅನಾಥ" ರಾಗುವರು 
"ಅನಂತ ಶಯನ" ನ ಬೇಡಿದರೆ
"ಆನಂದ" ದೊರಕುವುದು !!

--ಶ್ರೀಧರ ಐತಾಳ ದೇವಳಿ

ಅಗಲಿಕೆ

ನೀ ಯನ್ನ ತೊರೆದರು
ನಿನ್ನ ನಾ ಮರೆಯದಿರುವೆ
ನಿನ್ನ ಅಗಲಿಕೆಯ ಶಿಕ್ಷೆಯನು
ಸದಾ ಅನುಭವಿಸುತಲಿರುವೆ !!

ನೀ ಮೊನ್ನೆ ಹೋದಾಗ
ನಿನ್ನ ಆ ಹೆಜ್ಜೆ ಗುರುತುಗಳು
ಬಿರುಗಾಳಿ ಮಳೆಗೂ ಅಳಿಸದೆ 
ನಿನ್ನೆಡೆಗೆ ಕೈಬೀಸಿ ತಳ್ಳುತಲಿದೆ !!

ನೀ ಒಮ್ಮೆ ಕರಗಿದರೆ 
ಮರೆಯದೆ ಕರೆಯನ್ನನು 
ಮರುಕ್ಷಣದಿ ನಿನ್ನೊಡಲ ಸೇರಿ
ಮುಂದೆಂದು ಬಿಡಲಾರೆ ನಿನ್ನನು !!

-- ಶ್ರೀಧರ ಐತಾಳ ದೇವಳಿ

ನಂಬದಿರು

ನಂಬದಿರು ನಂಬದಿರು ಪರರ ಮನವ
ನಿಮ್ಮ ಹಿತೈಷಿಯೆಂದು  ಭ್ರಮಿಸಿ ಮನಕೆ ಘಾತಿಸುವರು
ನಂಬದಿರು ನಂಬದಿರು ಪರರ ಮನವ !!

ವಂಚನೆಯ ಎಂದಾದರು ಸಹಿಸಬಹುದು
ವಂಚಕನ ಸೇರಿಸಲಾರೆವು
ನಿಂದನೆಯ ಎಷ್ಟಾದರೂ ಮರೆಯಬಹುದು
ನಿಂದಕನ ಮರೆಯಲಾರೆವು !!

ನಂಬದಿರು ನಂಬದಿರು ಪರರ ಮನವ
ನಿಮ್ಮ ಆಪ್ತನೆಂದು ಕರೆಸಿಕೊಂಡು ಕ್ಷಣಕೆ ಬದಲಾಗುವರು
ನಂಬದಿರು ನಂಬದಿರು ಪರರ ಮನವ !!

ಸಮಯಸಾಧಕನ ಕಪಟ ವರ್ಣನೆಯ
ಬಣ್ಣದ ಮಾತನು ಮೆಚ್ಚಲಾರೆವು
ವಿಶ್ವಾಸಘಾತಕನ ಕುಟುಕು ಸಲ್ಲಾಪದ
ಚುಚ್ಚುಮಾತನ್ನು ಇಚ್ಚಿಸಲಾರೆವು !!

ನಂಬದಿರು ನಂಬದಿರು ಪರರ ಮನವ
ನಂಬಿಸಿ ಮೋಸಮಾಡುವವ "ಈ ಮಾನವ" 
ನಂಬದಿರು ನಂಬದಿರು ಪರರ ಮನವ !!